Alg-a Laboratório

O Alg-a Lab é un laboratorio de experimentación cultural posto en marcha en 2008 pola comunidade de artistas Alg-a (2003), en colaboración por unha banda co arquitecto e activista Santiago Cirugeda, facilitador de 2 colectores habilitados para vivenda dentro do seu proxecto Recetas Urbanas (xerme da actual Rede Internacional de colectivos Arquitecturas Colectivas), e por outra cun particular da parroquia de Valadares (Vigo), quen nos ofreceu unha leira de 3000m2 en réxime de cesión por 10 anos, onde están actualmente instalados os colectores.

Centro Social 2.0O obxectivo é ofrecer o Alg-a Lab como recurso a disposición dunha rede distribuída de diferentes persoas, comunidades e organismos (relacionados principalmente coa arte, a tecnoloxía libre, a arquitectura, a educación e a permacultura) interesadxs no espazo para o seu uso e xestión cooperativa. Paralelamente tratamos de experimentar e aprender diferentes posibilidades de autoxestión e organización colaborativas, inspiradas nas dinámicas distribuídas da cultura libre e nas redes P2P.