O grupo Todo Por la Praxis inclúenos no seu arquivo TAZ (Temporal Autonomous Zone) xunto a outros e destacados espazos en todo o mundo (principalmente en Europa e América Latina) que serven como espazos de investigación, innovación e encontro para artistas e persoas relacionadas co coñecemento e a sustentabilidade. Podes consultar a continuación o mapa de espazos sinalados:
“O arquivo TAZ é un observatorio que recolle experiencias de espazos de auto-organización cidadá: Hortas urbanas, centros sociais ou espazos culturais autónomos como campo de experimentación dunha nova autoxestión urbana.
A intención é xerar un directorio de espazos que permita facer unha lectura sintética da información dos mesmos, e poder así extraer os elementos relevantes para entender estas iniciativas dende un punto de vista iniciático.
Deste xeito, pode plantexarse como unha guía que te permita a posta en marcha de proxectos en base a experiencias xa realizadas, ou ser una plataforma que te permita conectar con todas elas”. Todo Por La Praxis.
