O próximo mes de Maio Alg-a Laboratorio está convidado ás Xornadas Eslabón, Encontros de Espazos de Creación en Madrid organizadas por Espacio Oculto e coa colaboración do INJUVE. Durante estas xornadas “seis representantes de espazos independentes de creación (5 nacionais e 1 internacional) e seis artistas que neles traballen realizarán presentacións públicas tanto dos proxectos como dos seus traballos. Ademáis proporanse coloquios participativos cos asistentes. Ás xornadas invitaranse a estudantes de instituto e universidade, artistas, comisarios, xestores, galeristas e a todos aqueles axentes vencellados coa creación artística contemporánea para amosar a realidade dos espazos de creación independentes, aprender das súas experiencias e descubrir as súas espectativas para, entre todos, codeseñar e crear novas estratexias de colaboración. Realizarase un catálogo cos resúmenes das presentacións públicas e conclusións das sesións participativas. Tamén se gravarán videos e creará un micro-site co obxectivo de documentar o proxecto e que sirva de consulta para todos aqueles que non poidan asistir ás xornadas“.